ஒளியால் அழைத்து விழிக்குள் ஒளிக்கிறாய் காதலை ..

ஒளியால் அழைத்து விழிக்குள் ஒளிக்கிறாய் காதலை

உன் மௌனம் ஒன்றே ஆயிரம் இனிமையை
அள்ளிக் கொட்டுதடி .. ..
ஒரு வரியில் என் காதலை
எப்படிச் சொல்வேன் உன்னிடம்
உன் இரு விழி இமையும்
ஒரு முறை அடித்தால் போதும்
அது அழிந்துவிடும்
இன்றொரு நாள் கலைத்துவிடு
உன் மௌன நோன்பினை
இனிய தீபாவளி நன் நாள் இன்று
அனைவருக்கும் சொல்லு நல் வாழ்த்தினை..
 
Kavignar Valvai Suyen     

உதிரக் காட்டில் இயற்கை ..

உதிரக் காட்டில் இயற்கை

உதிர்ந்துவிட்டான் மனிதன்
நிர்வாணம் ஆனது பூமி
புள்ளினங்களும்
இருக்கை இன்றி
வட்டம் இடுகின்றன
இருப்புத் தந்த இயற்கையை
இல்லா தொளித்தவனே  
இயற்கை இல்லையேல்
நீயும் இல்லை என
ஏன் மறந்தாய் ..
 
Kavignar Valvai Suyen

மனிதா நீ தாவும் கிளை உடைந்தாலும் ..

மனிதா நீ  தாவும் கிளை உடைந்தாலும்  - உன்

சபலம் சந்தியில் முந்தானை இன்றி கிடக்கிறது
இங்கொரு வீடும்
அங்கொரு சின்ன வீடும் உனக்கு       
பந்தி இலை விரித்து கஞ்சி நிலை வீழ்ந்தாய்
 
ஏறு முகம் கொண்டவன்  ஏழுலகையும் ஆழ
ஏறி வருகிறான் வான் வீதியில் ..
வேலிச் சண்டையில் நீ
சாதிச் சண்டையில் நீ                                                          
மூதேவி குடி வந்து குடி அறுத்தும்
சனியன் வீட்டுக் கதவையும் தட்டுகிறாய்
மழைக் கால இருட் டென்றாலும்
மந்தி உன் குணம் மாறுதில்லையே...
 
Kavignar Valvai Suyen

கிளியே கிளியே வனக் கிளியே ..

கிளியே கிளியே வனக் கிளியே
சிறகிருந்தும் நீ கூண்டில்
வாழ்வெனும் சிறைக்குள்
நான் வதை முகாமில்
பெண்ணடிமை விலங்கும்
உன் சிறைக் கூண்டும் என்று விலகுமோ
நீ அறிவாயோ,நான் அறியேனே.!
 
Kavignar Valvai Suyen

காலங்களை தேடுகிறேன் கைக்குப்பி விளக்கில் ...

காலங்களை தேடுகிறேன் கைக்குப்பி விளக்கில்
நிகழ் காலம் இறந்தே பிறக்கிறது
எதிர் காலம் பிறக்கும் முன்பே
கொள்ளி வைக்கப் படுகிறது
பாட்டனின் காலமே,
இறந்த காலம் என்றாலும் இனிக்கிறது
பாடப் புத்தகத்தில் இருக்கும் இனிப்பை
வாழ்ந்து பார்க்கத் தொட்டுப் பார்க்கிறேன்
எட்டவில்லை எனக்கு என் செய்வேன் நான்...
 
Kavignar Valvai Suyen

காதலித்தேன் காதல் வாழ்வை ..

காதலித்தேன் காதல் வாழ்வை, ஐயம் இல்லை

இனிமை நிறைந்த உலகமே  ...
இனி ஒருமுறை சொல்ல மாட்டேன் இவள் பெயரை
காமமே காதல் என்கிறாள்
களட்டிப் போடும் சட்டை என்கிறாள்
மறந்துவிடு , மண வாழ்வுக்கு வேறொருவன் என்கிறாள்
எடுத்துக் கொடுத்துவிட்டேன் என் இதயத்தை
உயிர் இல்லாக் கூட்டுக்குள் இதயம் இருந்தால்
இறந்து விடும் என்பதற்காக.. ..
காதலித்தேன் இவளை ,
இவள் என்னை காதலித்து பார்த்திருக்கிறாள்....

Kavignar Valvai Suyen

காதலித்தேன் காதல் வாழ்வை ..

காதலித்தேன் காதல் வாழ்வை, ஐயம் இல்லை

இனிமை நிறைந்த உலகமே  ...
இனி ஒருமுறை சொல்ல மாட்டேன் இவள் பெயரை
காமமே காதல் என்கிறாள்
களட்டிப் போடும் சட்டை என்கிறாள்
மறந்துவிடு , மண வாழ்வுக்கு வேறொருவன் என்கிறாள்
எடுத்துக் கொடுத்துவிட்டேன் என் இதயத்தை
உயிர் இல்லாக் கூட்டுக்குள் இதயம் இருந்தால்
இறந்து விடும் என்பதற்காக.. ..
காதலித்தேன் இவளை ,
இவள் என்னை காதலித்து பார்த்திருக்கிறாள்....
 
Kavignar Valvai Suyen