விவாகரத்து...

உனக்கும் எனக்கும் விவாகரத்து

இரு மனத்தின் திருமணப்பதிவில்
இணைக்கப் பட்டது ஒருமைப்பாடு
சந்தோச வாழ்வில்
சரிவேதும் கண்டதில்லை இருவரும்
சாட்சிக்கு இரு குழந்தைகள்
சந்தேகம் எனும் சாக்கடையில்
சாதுமிரண்டாய்
சன்னியாசமானது வாழ்க்கை
ஒட்டிய இதயங்களில் பிளவுகள்
குருதி நாளத்திற்குள்
உரிமை போராட்டங்கள்
ஊன் இல்லை உறக்கம் இல்லை
உள்ளம் செய்த பாவம் என்ன
ஒட்டி உறவாடிய எம்மை
வெட்டிப் போட்டது யச்சுமன்ட்டு
சம்சாரக் கனவில் மின்சாரம் பாய்ந்ததடி
எரிந்துவிட்டேன் உன் பிரிவு கன்டு
என் நிழல் என்றும் உனக்காக
என் நேரமும் நீ வரல்லாம்
உனக்கு நீயே நீதிபதி..
Kavignar Valvai Suyen

பொதி சுமக்கும் பொம்மைகள் ..

பெற்றோரின் ஆசை மூட்டைகள் எங்கள் முதுகில்

பொதி சுமக்கும் பொம்மைகள் நாங்கள்
பிள்ளைகள் எமது விளையாட்டெல்லாம்
தொல்லை என்கிறார் 
பச்சோலைகளாய் கிழித்து தோரணங்களாக்கி
எம்மை தொங்கக் கட்டுகிறார்
பிள்ளைப் பருவம் தாண்டித்தானே
இவர்கள் பெற்றவரானார்
கற்றுணர்ந்தவர்தானே பெற்றோரே
உம்மை கல்லாதவரென்று
எப்படி எடுத்துரைப்போம்
ஆசை உமக்குன்டென்பதை அறிவோம்
அதற்கொரு கால நேர அட்டவணை தந்தால்
அதன்படி நடப்போம்
விடுமுறை நாளிலும் விளையாட்டில்லை
எம்முடன் கூடிப் பேசிட ஒரு சிநேகம் இல்லை
எமக்குள்ளும் இருப்பது இதயம்தானே
அது மழைக்காலத்து பட்டுப் பூச்சி என்பதை
ஏன் மறந்தீர் ...
எமது ஆசைகள் திறக்கப்படாத புத்தகமாய்
அங்காடித் தெருவில் அலைபாய்கிறது அக்கினிக்குள்..
Kavignar Valvai Suyen

காய்கிறேன் கதகதப்பில்.. ..

இரவின் மடியில் என்னிரு விழிகள்... 

நினைவுச் சுவருக்குள் இன்பக் கனவுகள்
காத்திருக்கிறேன் அந்த இனிய நாளுக்காக
பருவ காலம் சுழல்கிறது
உன் புருவ ஓரங்களில் நனைகிறேன்
கரையவில்லை காகிதமாய்
காய்கிறேன் கதகதப்பில்
தோற்றுப் போனது தொலைந்த இரவுகளே...
Kavignar Valvai Suyen

மீளாய்வு கண்ட நாட்குறிப்பு..

 நாட் குறிப்பை மீளாய்வு செய்தேன்

ஓகஸ்ட் 2,3,4 -1989
விழிகளின் துளிகள் சுட்டது நெஞ்சை
உடைந்த நெஞ்சப் படகில்
கடந்த நினவலைகள்
அடித்தளம் தரை தட்டியது
மூழ்கிய நெஞ்சுக்குள்
முழ்கா படகாய் நான்
மான்களாய் என் இனம்
வல்வை படுகொலையில்
மான்டதை அறியா நிலையில்
மீன்கள் துள்ளி விளையாடுகின்றன
இருண்ட விழிகளை விட்டு
விலகவில்லை உறவுகள்
கண்ணீரும் செந்நீருமாய்
வந்து போகின்றனர்
உதவிட கரங்களை நீட்டினேன்
காணவில்லை அங்கே அவர்களை
இந்திய அராயக இராணுவம்
கனரக வாகனங்களால்
ஊரை எரித்து கடந்து செல்கின்றன
எரிந்த என் ஊரை என் விழி நீரால்
அணைத்திட முனைந்தேன்
முடியவில்லை மயானமே எஞ்சியது...
Kavignar Valvai Suyen

வாய்தாவில் கிடக்கிறது வழக்கு...

வாழ்க்கைத்  தத்துவம், சுவை வாழ்வுக்கே

வாங்கி வந்தேன் அதை என் வாசலுக்கும்
 ஈகம் அல்ல இது இன்சுவை நிழலே
கொடுத்துச் சென்றவனை தொட்டது மரணம்
எடுத்துச் சென்றதும் அவன் ஏதும் இல்லை
மலைத்துவிடாதே வெற்றி யாருக்கென்ற தீர்ப்பு
வழங்கப்படவில்லை இன்னும் எவருக்கும்
வாய்தாவில் கிடக்கிறது வழக்கு... 
 
Kavignar Valvai Suyen

புத்தான்டு நல் வாழ்த்துகள்....

இனிய அன்புள்ளங்களுக்கு புத்தான்டு நல் வாழ்த்துகள்....

இது பிரியாவிடை அல்ல..

இது பிரியாவிடை அல்ல.. ..

உன்னை, பிரிவதென்பது என்னாலாகாது
இருந்தும் நீ போகிறாய்
மறுமுறை சந்திப்போம் என்பது
மரணத்திற்கே தெரியும்.
 
Kavignar Valvai Suyen