விதியா விளையாட்டா ....

குடை விரித்த ஆல் என்று அரவணைத்தேன்
மண நாளில் துணைவன் கைப்பிடித்து
ஆவாரம் பூவில் இளம் தேன் இழந்தேன் என்றோ
தெருமுனையில் போகின்றான் அவன்
இது விதியா விளையாட்டா நதி தந்த நாணலா  
பாடாத புல்லாங் குழல் சுரம் இன்றி எரின்கிறதே ...
Kvignar Valvai Suyen

என் டயரி ...

வாழ்க்கை எனும் பாடத்தை வழி மொழியும் மனமே
செயல் முறை பாடத்தில் தேர்வெழுதும்
மாணவன் நான் ,,,,
எதிர்காலப் பக்கங்களில் எழுதுவதை கொடுத்துவிடு
இறந்த கால கிழிசல்களை நிகழ் காலத்தில்
நெறி முறை செய்துடுவேன்

உள்ளிருக்கும் உனக்கென்ன கள்ளிருக்கும் பூ நான்
ஊற்றுக்கள் சுரந்து உமிழ்கின்ற தேன் எடுத்து
நாவிற்கும் சுவைக்கும் நடு இருந்து
நற்தனம் ஆடுகிறேன்
கறை காணும் கனவுகளில் தள்ளி கனல் மூச்சு இறைக்கின்றாய்
விடியா இரவுகளில் வீழ்த்தி  உலர் பூவாய் உதிர்க்கின்றாய்
மலரும் போதில் நறுமணம் தெரியுது மனம் உதிரும் போதில்
உலகே வெறுக்குது
பொய் அன்றி மெய் உணர ஜனனத்தின் மேன்மை புரியுது
கருத்தில்லா கனவுகளில் தள்ளிவிடாதே எழுத்தில்லா ஜாதிகளை
எழுதச் சொல்லாதே
நிலை இல்லா வாழ்வில் நிம்மதி இல்லை எனில்
எழுத மாட்டேன் உன்னை நான், இனி என் வாழ்வில் ...
Kavignar Valvai Suyen

நண்பா நண்பா நீ இன்றி நானா ....

ஆகாயம் கண் இருத்தி ஆரத் தழுவுது மனசு
பெருங் குடை ஆல விழுது பற்றி 
அன்புக்கு நான் அடி பணிந்தேன் 
பிரிவெனும் கொடுமை கத்தரித்தால்
கொலைக் களம் சென்றே  உயிர் திரிப்பேன்
அறுகம் புல்லும் நீயேதான்
அதில் தூங்கும் பனித்துளி நானேதான்
அடை மழை என்றால் நீ குடையானாய்
கொடு வெயில் என்றால் நான் நிழலானேன்
இலக்கணக் கற்கள் உன் இதயம்
அதைத் தாங்கும் அகரம் என் நேசம்
நடுகல் நட்டு நாளாச்சு உறவுப் பாலம் விரிவாச்சு
ஊரே நடக்கிது உள மலர்வில் நட்பே உனக்கு உயிராவேன்...
 Kavignar Valvai Suyen

தேனீக்கள்.....

ஏய் எங்கே போகிறாய் நீ
உனக்காகப் பிறந்தவள் நான்
சிலை வடிக்க சிற்பி அழைக்கிறான்
வண்ணம் தீட்ட ஓவியன் அழைக்கிறான்
இருந்தும்..,
உன்னை நான் அழைக்கிறேன்
என் உள்ளம் கவர் கள்வனே..
வாழலாம் வா வண்ணப் பூங்காவில்
தேனீக்களாய்..
Kavignar Valvai Suyen

நெஞ்சம் இன்னும் இறக்கவில்லை ......

புன்னகை இளந்த உதடுகள்,  விலாசம் துலைத்த விழிகள்
இவற்றை கண்டு இதயம் ஓவென்று ஒப்பாரி வைக்கிறது
கூலியாய் குனிந்த கேள்வி குற்றுயிராய் துடிக்கிறது 
இளப்பதற்கு இனி ஏதும் இல்லை
என்று தணியுமோ எங்கள் தமிழீழத் தாகம்?
வாராது வருமோ அந்த விடியல்
மீன்டும் துளிர்க்காதோ தமிழீழக் காதல்
நெஞ்சம் இன்னும் இறக்கவில்லை
காதலாகி கசிந்துருகி காதலிக்கிறது தமிழீழத்தை.....Kavignar Valvai Suyen

வீர வணக்கம்...

தேசிய விடுதலைக் கள வேங்கையே
ஒருகணம் தலை வணங்கி நிமிர்கிறேன்
உன் நினைவில்.....
விடிவெள்ளி தெரியுதென்று காத்திருக்கவில்லை
தமிழீழ விடியலை தேடுகிறேன்
வீர வணக்கம் நிந்தனுக்கு....

நற் துணையாவது நவ ராத்திரி .....

விசயதசமியின் வித்தியாரம்பம்  வீடுகள் தோறும்
கல்வியே கண்ணென ஏடெழுதும்
நவ ராத்திரியின்  இன்ப வரம் 
ஒன்பது இரவும் தேவியர் மூவரின் பாதம் பணிந்து
கூற்றுடை மறையாய் காற்றுடை வெளியிலும்
கல்வி செல்வம் வீரம் என நாம் காணும் இன்ப சுகம்
தேனும் தினையொடு தித்திக்கும் சுவை படைத்து
ஒருதிரி முகமாய் உம் திருவடி போற்றி
பகரொளியாற்றின் பண்புடை நினைந்து
நேரிய வழியில் பேரிடி தகர்த்திட
பணிந்தோம் பண்புற்றோம் இகபரம் அறியோம் தேவியரே
நல் அருளாலே தீவினை அறுத்து தகமை அடைவோம்
ஒரு பொழுதேனும் உமை மறவோம் உய்வுற்று உவகை பெற
ஆத்ம பலம் அள்ளித் தந்தருள்வீர் அன்னையரே
 பொற்புடை தேவியே போற்றி.... கல்விக் கண் வாணியே போற்றி.....
வீரத்தின் சக்தியே போற்றி.... 
நவராத்திரியின்  நான்மறை வெல்க  நா, நிலம் தழைத்தே வாழ்க,,,,
Kavignar Valvai Suyen