புதன், 16 ஆகஸ்ட், 2017

தேனீக்களே வந்தமர்கின்றன !!


இனியவளே உன் பெயரெழுதி பேனா தந்த முத்தத்தில் நீ வருவாயென காத்திருந்தேன் தேனீக்களே வந்தமர்கின்றன உன் பெயரில் பாவலர்
வல்வை சுயேன்

புதன், 9 ஆகஸ்ட், 2017

அன்புத் தெய்வங்கள் !!!!!

முத்து முத்தாய் மழைத் துளி முத்தம் ஏன் வருகிது - நீ
கப்பல் கட்டி திரவியம் தேட வாசல் வந்து வாழ்த்துது

நித்தம் நித்தம் வரும் சூரியன் நில்லாமல் ஏன் எரியுது
உலகை நினைந்து உள்ளம் நொந்து
உயிர்களெல்லாம் விடியல் காண தன்னைத் தானே எரிக்கிது

உலகப் பந்து உருளும் விந்தை உன்னில்தானே தெரியுது
நீயும்தானே விண்ணாய் உயர்ந்து வைரம் தீட்டி சிரிக்கிறாய்
ஊதக் காற்று நெரிஞ்சிக் காட்டில் ரெத்தம் கொட்டி அழுதாலும்
தென்றல் காற்றே உயிரின் மூச்சாய் சுவாசம் தந்து வாழ்த்துது
நீரும் நிலமும் காற்றும் ஆகாசம் பூமியும்
அன்பு செய்யும் தெய்வங்களே
வாழ வைக்கும் தெய்வங்களை
வாழ்த்தி வணங்குவோம் அனு தினமே

பாவலர் வல்வை சுயேன்

அறிவாய் மனமே!!


உள்ளத்தில் உள்ளம் வைத்து காதல் கனிவுறேல் கூடு விட்டுச் செல்லும் ஆத்மா அறிகிலார் யாரும் அறிவாய் மனமே

பாவலர் வல்வை சுயேன்

சனி, 5 ஆகஸ்ட், 2017

கேழ்வியாய் வளைந்தேன் நானே !!!


நான் தமிழனா கேழ்விக்கணை
யாரும் தொடுக்கவில்லை
கேழ்வியாய் வளைந்தேன் நானே

எத்தனை எத்தனையோ எரிப் பிளம்புகள்
என்னைச் சுற்றி தணியாத் தாகத்துடன்
சிங்கள ஏகாதிபத்திய படைகளின் கணைகள்
எமது குடியிருப்புகளை எரித்து
எம்மையும் வீழ்த்தின
சுயம் இளந்த நினைவலை திரும்பிய வேளை

இராணுவ வண்டிக்குள் வீசப்பட்டுருந்தேன்
சிறிசு பெரிசென்ற பேதம் இல்லை
ராணுவ வண்டிக்குள் மானுடக் குவியல்
ரெத்தம் கொட்டி சங்கமித்து உறைந்திட
கண்களின் ஈரம் காயவில்லை

எங்கள் ஊர் மதவருகே அண்மித்தது
அந்த அராயக ராணுவத் தொடர்
இடியாய் ஒரு மனித வெடி
தன்னை ஈகம் தந்தான்
தமிழீழத் தாயின் மைந்தன்
மகே அம்மே கொட்டியா என்ற ஓலம்
தொலைவில் வீசப்பட்டேன்

தமிழரின் தாகம் தமிழீழத் தாயகம்
உலகத்தமிழினமே உச்சரித்த மந்திரம்
நச்சரித்து அழிகின்றது இன்றந்த வேதம்
தற் கொடைவான்களே
மன்னியுங்கள்
முற்சக்கர வண்டியில் முடமே நான்
சாம்பிறாட்சிய அவையில்
இன்னும் ஈனத்தோரின் இழி நிலையே
எறிகணை ஒன்று தருவீரா எனக்கு
அறிவேன் உங்கள் ஆதங்கத்தை

பாவலர் வல்வை சுயேன்

வியாழன், 27 ஜூலை, 2017

மது!!


வாழ்ந்து பார்த்தேன் வாழ்வும் வளமும் எதிலும் சுகம்தானே
ஏனோ வீழ்ந்தேன் மடமை யினாலே மதுவின் மடிமேலே
மயக்கம் தீரலையே மனசும் ஆறலையே !

உன்னை தொட்டேன் நான்தானே மதுவே  
என் உள்ளம் புகுந்து ஆட்டுகிறாய்
குணமும் கெட்டு உறவும் விட்டு
ஊதாரியாகி சிரிக்கின்றேன்
தெரிந்தும் நானே நடிக்கின்றேன்
ஈகோ தானே என் கிரீடம்
ஆணவம் எனது சிம்மாசனம்
நல்லவன் தானே நானும் உன் துணை இல்லாமல்
மதுவே மதுவே எனக்கு நீயேன் மந்திரியானாய்
வீதியில் வீழ்ந்தும் சகதியில் புரண்டும்
ஊரார் சிரித்திட ஏனோ வாழ்கின்றேன்

ஏன்தான் துயரம் ஏனோ மயக்கம் எனக்குள் பூகம்பம்
உயிரும் உறவும் பட்டிணிச் சாவில் துடித்தாலும்
ராச்சியம் இல்லா ராஜா நானே பரியில் போகின்றேன்
குடிப்பவனே என் கூட்டாளி
பெருங் குடி மகனாய் ஊதாரி
தூயவனா நான் கொடியவனா மதுவின் காதலனா
கட்டிய தாலியும் கம்மல் வளையலும் அடகுக் கடையிலே
அவள் கலங்கியே அழுதும் காணா இன்பம்
வோதை மயக்கத்திலே
வீதியில் சீதையின் வார்த்தை கேட்டேன்
தீயில் குளித்திட தினம் தினம் உதைத்தேன்
தீயில் குளித்து தீயாய் எரிந்து தூயவள் போணாளே
மதுவே மதுவே என்னை குடித்திடு
மயக்கம் வேண்டாம் மரணம் வேண்டும்
இழி நிலை வாழ்வு இனியும் வேண்டாம்
என்னை நீயே கொன்றுவிடு....

பாவலர் வல்வை சுயேன்

செவ்வாய், 25 ஜூலை, 2017

காத்திருக்கேன் கண்ணா !!!

எனக்குள்ளே எனக்குள்ளே
என்னாச்சு என்னாச்சு
ஆசைத் தூறல் மெல்ல மெல்ல   
விரகம் மூட்டி கொல்லுதே
மாதென் செய்வேன் மன்னவா
மனு நீதி காத்திட வா வா நீ வா
விடியலும் உட் புகாமல் யன்னலைச் சாத்து
கரு விழி நான்கும் கலர்ப் படம் காணட்டும்
இதழ் ரசம் தானே இரவுக்கு ஆகாரம்
நான்கு இதழ்களால் நான்மறை எழுதுவோம்
காலங்கள் கரையுதே காத்திருக்கேன் கண்ணா

பாவலர் வல்வை சுயேன்

திங்கள், 24 ஜூலை, 2017

பிடி சாம்பலே மேனி !!

வாழ்ந்து வெல்லவே வாலிபம்
வாழ்ந்ததை நெய்யவே வெள்ளி முடி
மழலை பருவ மாலை கட்டி
மீழ் நினைப்பில் தோளில் இட்டேன்
துளித் துளியாய் விழித் துளிகள்
தூறல் உதிர்வில் எத்தனை முகங்கள்
பட்ட கடன் இன்னும் தீர்க்கலையே
பாடை விரிப்பில் ஆயுசின் அணைப்பு

பெற்றவர் உறங்க விரித்த படுக்கை
பிள்ளை எனக்கும் பெருமிதமே
மரண அறிவித்தல் ஊரார் செவியில்
விறகுக் கட்டில் சுடலை கோடியில்
திறந்த விழிகளை மூடிவிட்டு
கூடி வந்தோரும் குறுகியே சென்றார்
ஆறத் தழுவிய அக்கினியே
உனக்கும் ஆறாப் பசியே
நீ அள்ளித் தின்று செரித்தது போக
பிடி சாம்பலே மேனி
அஸ்த்தி என அதையும்
கரைத்திட்டார் சமுத்திரத்தில்

பாவலர் வல்வை சுயேன்

ஞாயிறு, 23 ஜூலை, 2017

பள்ளிக்கு போய் வா கண்ணே !!!

பள்ளிக்கு போய் வா கண்ணே
பொழுது போகும் முன்னே  
புன்னகைத் தோட்டத்தின் வைரம் நீ
ஐந்தில் அகரம் எழுது சிகரம் உன் னடியில் !!
நாளைய உலகின் ராணியும் நீயே மேதினியை கற்றுவா
மேன்மையும் தாழ்மையும் போதனை தரும் விருட்சமே !!!

பாவலர் வல்வை சுயேன்

சனி, 1 ஜூலை, 2017

தீயே நீ செய்த பாவம் என்ன !!!

அன்பெனும் அறிவுடமை உலகளாவி
அழி நிலை உற்று அரிதாகி தாழ்வுற
பேதமை பெருஞ் சுவர் மேவி எழுகிறதே

குணம் எனும் குன்றேறி உயர் நிலை உற்றோரும்
கொடு நிலையாலே தாழ்வாகி சிதையென வீழ்ந்திட
பற்று நிலை தாளாது தகித்து நீ மௌனித்தும்
சிதைவினை நோக்காது நொந்த மனம் நோக்கியே
சிதை மூட்ட உன்னையே தேடுகிறார் !
தீயே நீ செய்த பாவம் என்ன !!

பாவலர் வல்வை சுயேன்

தளம்புதடி என் மனசு !!

தண்டை கால் கொலு சொலித்து
தண்ணீர் எடுக்க வந்தவளே
தண்ணீர் குடம் போல்
தளம்புதடி என் மனசு
தப்பாக எண்ணாதே

உன் மூக் குத்தியாகவேனும்
என்னை நீ சேர்த்துக்கோ
உன் சுவாசக் காற்றில்
உயிர் வாழ்வேன் நானும்...

பாவலர் வல்வை சுயேன்

வெள்ளி, 30 ஜூன், 2017

பீனிக்ச் பறவையே உன் பள்ளி வருகிறேன்....

மலரென நினைத்தேன் அணிகலன் செய்தேன் - என்
மனசை கொன்றே போனதேன் மணிப் புறா
காலச் சூழல் கொய்த தென்று
வேடம் தாங்கல் சென்றதில்லை
கூடு கட்டி வாழ்ந்த மனசை
கொத்திப் போனதேன் வந்த புறா           

பீனிக்ச் பறவையே உன் பள்ளி வருகிறேன்
பால் வேறு நீர் வேறாய் பாகம் பிரித்து
நானும் பழகி பார்த்திட
சுட்ட மனம் தோப்பாக பட்ட மனம் நீறாக
போனது போகட்டும் புறம் தள்ளி எழுகிறேன்
நிலாவும் ஓர் நாள் இல்லாது போகுமே
கலங்காது வானம் கண்ணீர் இல்லா கோலமே
ஆறாக் காயம் எத்தனை நாள்
ஆறும் அது ஆறே நாள்
பாளும் மனசே தணிந்தெழு
வேடம் தாங்கல் வேதனை வாழ்வே

பாவலர் வல்வை சுயேன்

வியாழன், 22 ஜூன், 2017

எல்லோர்க்கும் பெய்யும் மழை!!!

நிழல் தரு உயர் நிலை நீள நினைந்தேன்
ஏந்திழை ஏதறிவேன் உதிர் வெனும் இறப்பில்
காவலின் இமைகளும் இழந்தேன்
தனிமை கொடிதினும் கொடிதே
கொன்றே தின்றது என்னை            
இதய நரம்புகளையே (சு)வாசித்தேன்
துளிர்த்தன துளிர்கள் துணைக் கரம் வீசி
பூக்களின் வாசம் பூமிக்கும் தெளித்தேன்

கூவும் குயில்களே பாடும் கிளிகளே
கூடி வாருங்கள் குடியிருக்க   
இலையுதிர் காலம் திரும்பும் முன்னே
வசந்த காலம் வா வா எங்கிறது
நல்லார் இங்குளார் எனில்
எல்லோர்க்கும் பெய்யும் மழை

பாவலர் வல்வை சுயேன்

புதன், 21 ஜூன், 2017

இது ஏனோ புரியலையே....

மானிடர் இறந்தால் மரண வீடு
கால் நடையொடு மீன்களும் இறந்தால்
மானிடர் வீட்டில் மாமிச உணவு
இது ஏனோ
புரியலையே....

பாவலர் வல்வை சுயேன்

செவ்வாய், 20 ஜூன், 2017

நாம் காணும் வேடங்கள் வெளி வேசமே !!!

துள்ளித் துள்ளி நிதம் தாவி வரும் வெள்ளி அலையே
உன் புன்னகை பூச் சொரிவில் கனிவுறு மனம் கண்டேன்
ஊருக்குள் உத்தமரை நிதம் தேடி நீ வருகிறாய்
நூல் வேலி தாண்டித் தாண்டி
நுகர் கொம்பு ஊன்றி ஊன்றி
நகம் பதிக்கும் கூட்டம் தானே இங்கே இங்கே

தவம் இருந்த நாட்கள் எண்ணி தாண்டும் நிலை தாண்டிவிட்டால்
ஆணோ பெண்ணோ தொடாத பாகங்கள் ஏதும் இல்லை
தொட்டணைத்தே வாழுகிறார் தொட்டும் குறை விட்டதில்லை
பகலிலே அருந்ததி நோக்கும் பெருந்தகையே எல்லோரும்
பொய் முகங்கள் போடும் கோலம் கை விலங்கும் காணாத் தூரம்
பூகம்பச் சாரல் வீழ்ந்து புறையோடி போன பின்னும்
நீ அள்ளி வருகிறாய் வெள்ளி அலை
இங்கு நாம் காணும் வேடங்கள் வெளி வேசமே.....

பாவலர் வல்வை சுயேன்

சனி, 17 ஜூன், 2017

முற்றத்து வேம்பு......


என் முற்றத்து வேம்பே - எங்கள்
சுற்றத்தின் ஆத்மீக சுயம்பு நீ
உன்னில் பேயாடுது முனி ஆடுது
என்பார்கள்....

சிவன் இராத்திரி முளிப்பிற்கு
உன் கிளையில்
நாம் ஆடும் ஊஞ்சலே நியமானது
நாம் ஆட நீ ஆட எம் பாட்டுக்கு
எசைப் பாட்டு குயிலும் பாட
எந் நாளும் ஆனந்தமே

அன்பே உருவான அழகு வேம்பே
பகை அறா காக்கையும் குயிலும்
உன் கூட்டில் தானே
ஒற்றுமை பேணும்
உன் பூ வாசம் போதும்
எங்கள் நோய் எல்லாம் தீரும்
உன் காய் எண்ணை போதும்
வயிற்றுப் பூச்சியும் வலியும்
வற்றியே தீரும்

வம்பு பேசி வேலிச் சண்டை போடும்
அயல் வீட்டாரும்
வம்பளப்பதில்லை உன்னோடு
நீ விரித்திருக்கும்
பெருங் குடை நிழல் நின்றே
ஆனந்தம் கொள்வார்

முற்றத்து மரமாக நான் இல்லை
வேலி தாண்டி நிற்கிறேன்
ஊரும் இல்லை உறவும் இல்லை
நோயில் பாயில் வீழும் வேளை
உறவென்று சொல்ல நீயும் இல்லை

பாவலர் வல்வை சுயேன்

வெள்ளி, 16 ஜூன், 2017

விழிக்குத் திரை ஏன் போடுகிறாய் !!!


இதயமே இதயமே உருக்கி வார்க்கிறாய் உயிரை நீ
உருகும் உயிர் பாவமடி மெழுகாய் கரைந்தே தீருதடி
அழகுத் தீபம் போலாடி இளமைத் தூரிகை ஏற்றுகிறாய்
விழிக்கும் மொழிக்கும் நீ தூரம் தூரம்
விரல்கள் எழுதும்
உன் அங்கம் எங்கும் ஆனந்த ராகம்
விழிக்குத் திரை போடாதே
உன் சேலை நூலே நான்தானே

நான்கு விழிகளும் நடம் ஆடி
பறிப்போம் வா
மேனிப் பூக்களை இதழ் களாலே
சுகந்த மலர்கள் சுகமே சுகமே
சூடிக் கொடு அங்கம் எங்கும் சூட்டுகிறேன்
மன்மத மன்றின் காம சாஷ்திரங்களை...

பாவலர் வல்வை சுயேன்

திங்கள், 12 ஜூன், 2017

இறப்புக்கு பின்னால் ஏதும் இல்லை...

வாழும் போதே நன்றே வாழ்ந்திடு   
நாளை இங்கே யார்தான் இருப்பார்
யாருக்கும் தெரியாதே....

இறப்புக்குப் பின்னால் ஏதும் இல்லை
இருக்கும் நீதான் அறிவாயே....

வறுமையும் வாழ்வும் சிறுமையும் பெருமையும்
வந்தே போகும் விதி எனச் சொல்வாரே
வென்றால் தானே வெள்ளிக் கிண்ணம்
சாதனை தானே வேதனை போக்கும்
உணர்ந்தே வென்றுடு நாளையும் உனதாகும்

நீதியும் நேர்மையும் நெறி கெட்டே வீழ்த்தும்
நதியென நீயும் வளைந்தே ஓடு
வாழ்வின் லெட்சியம் இதுதானே
நாளைய தலைவன் நீயும் ஆகலாம்
உன் குடை நிழல் வாழ ஊரே கூடும்
உயிரே அறிவாயே உன்னை நான் அறிவேனே

பாவலர் வல்வை சுயேன்

வெள்ளி, 9 ஜூன், 2017

நின்னடி சரண் புகுந்தேன் தேவி....

நல்லார் இங்கெனில் பொல்லார் எவரோ தேவி
கண் விழி ஓடையில் கனலுற்றுக் கரைந்த துளி
உதட்டின் மேல் உப்புக் கரிக்கிதே
கல்லடி வீழ்ந்து செங்குருதி தோய்ந்தும் கலங்கா திருந்தேன்
வஞ்சகர் நாவின் சொல்லடி சுட்டே சுருங்கிப் போனேன்
சொல்லடி தாயே என்னை படைத்திட்ட தேவி
என்ன பிழை செய்தேன் ஏதும் அறிகிலேன்
அன்புக் கரம் கோர்த்தே துன்ப நிலை செய்தாரடி
புன்னகை பூக்கும் பூ நாகக் கண்களாலே
விசம் தீன்டி வீழ்ந்துவிட்டேன்
விருந்தும் மருந்துமாய் உன்னையே உட் கொண்டேன்
வஞ்கர் வாழ்வழித்து வெஞ்சினம் தணித்துவிடு
நின்னடி சரண் புகுந்தேன் தேவி
நிழல்லடி தாருவாய் நீயே

பாவலர் வல்வை சுயேன்

வியாழன், 8 ஜூன், 2017

அழகி நீயடி...

அழகிய பூமியில் ஏதெல்லாம் இன்பமோ
அதெல்லாம் காண்கின்றேன் தோழா
உன் தோள் சாய்ந்து !

உன் தோள் கொடு போதும்
வாழ் நாளெல்லாம் வாழ்கிறேன்
நீ பாதி நான் பாதியென அன்போடு

உச்சி மலை சாரல் வந்து
உன் சேதி சொன்னதடி
உண்மைதான் அழகி நீயடி

உருகாத மனமும் உன்னை கண்டு உருகும் போதில்
பயம் கொள்ளுதடி என் மனம் உன்னிடத்தில்
கிராமியக் குயிலே நீ பாடும் பூபாளம் கேட்க
எந் நாளும் வருவேன் நான் உன் வாசலுக்கே
ஆதவனும் உன் முகம் காணும் முன்னே

பாவலர் வல்வை சுயேன்

திங்கள், 5 ஜூன், 2017

என் செய்வேன் நான்....

பல முறை கேட்டுவிட்டாய்
கடனாக என் இதயத்தை
அதை,
ஒரு முறை கொடுத்துவிட்டேன்
இனாமாக உன்னிடத்தில்
இனி இல்லை
இன்னும் கொடுப்பதற்கு
என் செய்வேன் நான்..


பாவலர் வல்வை சுயேன்

வெள்ளி, 2 ஜூன், 2017

கவிக் கோவிற்கு கவிதாஞ்சலி ....

சோலைக் குயிலே கவினுறு காந்தக் கருவே
நீ கூடு விட்டு கூடல் நீங்கி பறந்த தேனோ
குஞ்சென்றும் தாயென்றும்
கிளை வாழ்ந்த குயில் களெல்லாம்
பாட்டுளந்து முகாரி பாடுதிங்கே
புல் நுணிப் பூவும் புலவா நின் கவி இன்றி புலம்புதிங்கே
கடுகு,க்குள்ளும் கவி புதைத்த வித்தகனே
வெள்ளி முடி தலைக்கணிந்து விருப்போடு போகிறாய்
உன் பிரிவாலே ஒளி கூட இருள் கொட்டி சாய்கிறதே
இருளாட்சி மாடம் உன்னை உள் வாங்கி தின்றாலும்
கவி நூல் களஞ்சியத்தில் உயிரே நீ உயிரானாய்
கவி மாலை சூடி சூட்டிட தந்த கவிக் கோவே
காலங்கள் நூறு கடந்தாலும்
காணா இன்பம் கனிந்து தந்தாய் கவி
உனக்கென்றும் பதினாறே ..

பாவலர் வல்வை சுயேன்

புதன், 31 மே, 2017

பொன் வான ஓடம் நீ ....

ஏஞ்சலே வந்து போகிறாய்
ஏதேதோ சொல்லத் துடிக்கிறாய்
பிஞ் செனவே எண்ணாதே
அஞ்சுகமே அஞ்சாதே
எந் நாளும் பஞ்சணையில்
என்னை நீ கொல்லாதே...

கொல்லாமல் கொல்லும் கண்ணே
பொன் வான ஓடம் நீ
தூரக் கண்ணாடியில்
ஏதே தோ எழுதுகிறாய்
நம்பிக்கையே நல் வேதம்
நான் அறிவேன் உன் தாகம்
நான்கு சுவர் வேலிக்குள்
நற் தவம் கொள்வோம் வா.. வா..

பாவலர் வல்வை சுயேன்

திங்கள், 29 மே, 2017

மௌனமே காதலாள் ....

அகழ் வாராச்சியும் அறிவேன் உயிரே
ஏன் இந்த மௌனம் உனக்குள்ளே
அறியேன் அறிந்திட
எதைத்தான் கற்றறிவேன்
மடல் நீக்கி ஓர விழி காட்டு
என் தேடலுக்கான விடை
கிடைக்கிறதா என காண்கிறேன்


பாவலர் வல்வை சுயேன்

வியாழன், 25 மே, 2017

எல்லோர்க்கும் பெய்யும் மழை!!!

நிழல் தரு உயர்வில் நீள நினைந்தேன்
ஏந்திழை என் செய்வேன் ஏதறிவேன்
உதிர்வெனும் இறப்பில்
இமைகளும் இளந்தேன் ...
தனிமை கொடிதாய் கொன்றிட        
இதய நரம்புகளையே (சு)வாசித்தேன்
துளிர்கள் பற்றின துணைக் கரம் பெற்றேன்
பூக்களின் வாசம் பூமிக்கும் தெளித்தேன்
கால மாற்றம் கண்ணீரை துடைத்தது
பூபாளம் பாடும் குயில்களே
கூடி வாருங்கள் குடியிருக்க   
இலையுதிர் காலம் திரும்பும் முன்னே
வசந்த காலம் வாழ வா எங்கிறது
நல்லார் இங்குளார் எனில்
எல்லோர்க்கும்,
பெய்யென பெய்யும் மழையே

பாவலர் வல்வை சுயேன்

புதன், 24 மே, 2017

நைகராவும் உறங்கி விழிக்கட்டும்!!!


கொள்ளும் இடமும் கொள்ளா ஆசை
உயிர் உள்ளவரை சங்கமிக்கும் சாரல்
என் இதயம் நீயாக
உன் இதயம் நான் ஆக
முத்த மழை பொழிகிறது
சத்தம் இன்றி
நைகராவும் உறங்கி விழிக்கட்டும்
ஈடில்லா காதலை காணும் விழிகளே
கனிவோடு செய்வீர் தூய காதலே

பாவலர் வல்வை சுயேன்

மடல் திறந்த இதழ்கள்!!

அன்றலர்ந்த தாமரையின்
ஆருயிர் தோழனே
தினம் நீராடும் உன் தோழியின்
கொடி இடை நீ வருடுவதால்
இதழ் மலர்ந்து தருகிறாள்
பரிச முத்தம் உன் தோழி!

கொண்டவனின் துணை இன்றி
விழி நீர் வறண்டோடி
நின்று லர்ந்து வீழ்ந்துவிட்டேன்
மணல் காட்டில்!
தண்ணீர் இல்லையேல் தாமரை உதிர்கிறாள்
கண்ணீர் வெள்ளத்திலே நானும் காய்கிறேன்
மடல் திறந்த இதழ்களை,
விளுமியங்களே காயம் செய்கின்றன!

பாவலர் வல்வை சுயேன்

திங்கள், 22 மே, 2017

பாஸ்ற் பூட் பரிணாமம் !!!

மண் சட்டி சோற்றுக்கும்
மீன் கறிக் குளம்புக்கும்
அன்றொரு வாசம்
என் மன்னவன் மகிழ்ந்து
புன்னகை பூத்திட
நடு நிசி தோர்க்கும்

இன்றைய வாழ்வுக்கும்
இல்லற ஜோதிக்கும்
இரும்பறைக் காலம்
இதில் பந்தமும் பாசமும்
பாஸ்ற் பூட்டை பரி மாறி
பறக்கின்ற பரிணாமம்

நடு நிசி ஏதென்றும்
நண் பகல் எதென்றும்
யாருக்கும் தெரியவில்லை
ஞாயிறின் வருகைக்கும்
வானுயர் உயர் வுக்கும்
தேய் பிறைக் காலம்
வளர் பிறையாய் வருவார் கோடி
முழுமதியாய் ஆவார் சிலரே...

பாவலர் வல்வை சுயேன்

செவ்வாய், 16 மே, 2017

எதுவரை என்பது தெரியாது !!!

பொய்யின்றி பொய் சொல்லும் உன் கண்கள் அழகு
உயிருக்கு உயிரான சினேகம் அதன் அழகு
திகில் நிறைந்தே இருந்தது கடந்த இரவும்
நான்கு சுவர்களுக்குள் பக்கம் பக்கமாய்
புரட்டி நாம் படித்துக் கொண்டிருந்தோம்
இருட் டறையும் கண்டு விரண்டது
பூத்திரியும் ஒரு கணம் மௌனித்து
சுடர் ஒளி வீசி வெக்கித்து குனிந்தது

எதுவரை என்பது இருவக்கும் தெரியவில்லை
அதுவரை என்றால் ஆனந்தமே ஆருயிரே
அன்று நாம் போடும் முற்றுப் புள்ளியில்
ஆயுளும் முடிந்துவிடும்
முற்றுப் புள்ளியை முதலில் இடுவது யார்
அதுதான் புரியவில்லை இருவருக்கும்.....  

பாவலர் வல்வை சுயேன்

திங்கள், 15 மே, 2017

முள்ளி வாய்க்கால் நினைவெழுச்சியில் தமிழீழ தேசியக் கொடியை ஏற்றுவோம்...



முள்ளிவாய்க்கால் தமிழின அழிப்பு நினைவெழுச்சி நாள் நிகழ்வில் தமிழீழ தேசியக் கொடியை ஏற்றுவதற்கு பிரித்தானிய தமிழர் பேரவையின் நிர்வாகம் தொடர்ச்சியாக மறுப்புத் தெரிவித்து வருவது அதன் உறுப்பினர்களினதும், ஆதரவாளர்களினதும் கடும் கண்டனத்திற்கு ஆளாகியிருக்கின்றது. தமிழீழ தேசியக் கொடியாகிய பாயும் புலிக்கொடிக்குப் பிரித்தானியாவில் எந்தத் தடையும் இல்லாத பொழுதும், அதற்குத் தடை இருப்பது போன்ற போலியான பிம்பத்தை உருவாக்கிக் கடந்த ஆண்டுகளில் முள்ளிவாய்க்கால் தமிழின அழிப்பு நினைவெழுச்சி நாள் நிகழ்வில் அதனை ஏற்றுவதற்குப் பிரித்தானிய தமிழர் பேரவை மறுப்புத் தெரிவித்து வந்த நிலையில், சென்ற வருடம் இலண்டனில் பிரித்தானியப் பிரதமரின் வாசத்தலம் முன்பாகத் தமிழீழ தேசியக் கொடியை ஏற்றி அந்நிகழ்வை வெற்றிகரமாகத் தமிழர் ஒருங்கிணைப்புக் குழு மேற்கொண்டிருந்தது. அதே இடத்தில் தமிழீழத் தேசியக் கொடியை ஏற்ற மறுத்துப் பிரித்தானிய தமிழர் பேரவை நடாத்திய போட்டி நிகழ்வு மண்கவ்விய நிலையில், இம்முறை இலண்டனின் ஒரு பக்கத்தில் உள்ள மூடப்பட்ட பூங்கா ஒன்றில் போட்டி முள்ளிவாய்க்கால் தமிழின அழிப்பு நினைவெழுச்சி நாள் நிகழ்வைப் பிரித்தானிய தமிழர் பேரவை ஏற்பாடு செய்துள்ளது. இவ்வாறு போட்டி நிகழ்வுகளை நடாத்துவதைத் தவிர்த்து இம்முறையாவது தமிழர் ஒருங்கிணைப்புக் குழுவுடன் இணைந்து பிரித்தானியப் பிரதமரின் வாசஸ்தலம் முன்பாகத் தமிழீழத் தேசியக் கொடியை ஏற்றி முள்ளிவாய்க்கால் தமிழின அழிப்பு நினைவெழுச்சி நாள் நிகழ்வை நடாத்துமாறு தமிழ்த் தேசிய உணர்வாளர்களால் மாறி மாறிக் கோரிக்கைகள் விடுக்கப்பட்ட பொழுதும் அதனை பிரித்தானிய தமிழர் பேரவையின் நிர்வாகத்தினர் அடியோடு நிராகரித்துள்ளனர். இதனையடுத்துத் தமிழீழ தேசியக் கொடியின் முக்கியத்துவத்தை வலியுறுத்திப் பிரித்தானிய தமிழர் பேரவையின் நிர்வாகத்திற்கு மனு ஒன்றைக் கையளிப்பதற்கான கையெழுத்து வேட்டையில் அதன் உறுப்பினர்களும், ஆதரவாளர்களும் இறங்கியுள்ளனர். இவ்வாறான கையெழுத்து வேட்டையில் பிரித்தானிய தமிழர் பேரவையின் ஆதரவாளர்கள் சிலர் ஈடுபட்டுள்ளனர். இதேநேரத்தில் கடந்த ஆண்டு போன்று இம்முறையும் வரும் 18.05.2017 வியாழக்கிழமை இலண்டனில் உள்ள பிரித்தானியப் பிரதமரின் வாசஸ்தலம் முன்பாகத் தமிழீழத் தேசியக் கொடியேற்றலுடன் முள்ளிவாய்க்கால் தமிழின அழிப்பு நினைவெழுச்சி நாள் நிகழ்வை நடாத்துவதற்கான ஏற்பாடுகளில் முழுவீச்சுடன் தமிழர் ஒருங்கிணைப்புக் குழு ஈடுபட்டுள்ளது. இது பற்றிய ஊடக விவாத நிகழ்ச்சியொன்றை ஏற்பாடு செய்து தருமாறு கடந்த ஒரு மாதத்திற்கு முன்னரே ஐ.பி.சி தொலைக்காட்சிக்கு தமிழர் ஒருங்கிணைப்புக் குழுவின் பிரதிநிதிகள் கோரிக்கை விடுத்திருந்த பொழுதும், இதற்கான ஏற்பாடுகளை மேற்கொள்ளாது ஐ.பி.சி நிர்வாகம் இழுத்தடித்து வருவதாகத் தமிழர் ஒருங்கிணைப்புக் குழுவிற்கு நெருக்கமான வட்டாரங்கள் தெரிவிக்கின்றன. சிங்களப் படைகளின் இரத்தம் தமிழர்களின் உடலில் ஓடுவதாகக் கூறிக் கடந்த ஆண்டு ஐ.பி.சி தொலைக்காட்சி ஒளிபரப்பிய நிகழ்ச்சியை அடுத்து அதில் நடைபெறுவதற்கு ஏற்பாடாகியிருந்த பிறிதொரு விவாத நிகழ்ச்சியில் பங்கேற்காது அதனைத் தடாலடியாகத் தமிழர் ஒருங்கிணைப்புக் குழு புறக்கணித்ததற்கான பழிவாங்கலாக இவ்வாறான இழுத்தடிப்பு நடவடிக்கைகளில் ஐ.பி.சி நிர்வாகம் ஈடுபட்டுள்ளதா? என்று தமிழர் ஒருங்கிணைப்புக் குழுவிற்கு நெருக்கமான வட்டாரங்கள் கேள்வியெழுப்பியுள்ளன.

(நாடு கடந்த தமிழீழ அரசின் அறிக்கை)

யாருக்கும் வெட்கம் இல்லை !!!


இல்லை இல்லை நேசம் இல்லை நேரில் இப்போ
இன்ற நெற்றில் உலாவும் உறவே
அள்ளிப் பருகும் ஆனந்த சுகம் ஆச்சுதையோ
உறவில் எத்தனை விரிசல்கள்
உள்ளத்தில் எத்தனை எரி மலைகள்
யாரை யார் நோவது இங்கே
யாருக்கும் வெட்கம் இல்லை...

பாவலர் வல்வை  சுயேன்

வெள்ளி, 12 மே, 2017

கூட்டுக் குடும்பம் !!

கூட்டுக் குடும்பத்தின் முற்றம்  
குறுக் கெழுத்துக்கள் வாழ்கின்ற
சதுரங்கக் கட்டம்....
ஒவ் வொரு சுவர் கட்டங்களுக்குள்ளும்
ஒன்றுக் கொன்றான ஜீவ நாடி
துடித்துக் கொண்டே இருக்கும்

கனல் மழை என்ன கடும் புயலென்ன
கூட்டுக் குடும்ப முற்றத்தில்
கண் தூசி கொள்ளும் முன்னே
பொத்தி வைச்ச மல்லிகையாய்
கரங்கள் யாவும் காக்கும்....
கால தேவனை காதல் செய்
கரும்பாகும் உன் பிறப்பு...

பாவலர் வல்வை சுயேன்

செவ்வாய், 9 மே, 2017

தெரியும் என்பார் தெரியாது !!!

தெரியும் என்பார் தெரியாது! அறிவேன் என்பார் அறியாது!
தெரியாமல் தெரிந்தும் தெரியாததை தேடியும்
தொடரும் வாழ்வில் இடையில் போவதும்
யாருக்கும் தெரியாது!
பிறக்கும் முன்னே என்னையும் உன்னயும்
அன்னைக்கும் தெரியாது!
அன்னை மடியில் எவன்டா வைத்தான்
அவனுக்கும் தெரியாது!

உயிரே உயிரின் ராச்சியம் பூச்சியத்திற்குள்ளே
பூட்டிய கதவைத் திறந்து போகும் உயிரை
யாருக்கும் தெரியாது!
இத்தனை சூட்சுமம் யார்தான் செய்வார்
இறைவன் என்றால் அவனையும் தெரியாது!
இதில் யாரை யார்தான் நம்பி வாழ்வது
எனக்கும் தெரியாது! உனக்கும் தெரியாது!
ஊருக்கும் தெரியாது!  
தெரியும் என்பார் தெரியாது!
அறிவேன் என்பார் அறியாது!
பூமிக்கு யார்தான் சொந்தம் சொந்தம் 
இறைவா உனக்கும் தெரியாது....!

பாவலர் வல்வை சுயேன்

ஞாயிறு, 7 மே, 2017

ஆகாய வீதியிலே ஆடுதடி தென்குருத்து!!!

ஆகாய வீதியிலே ஆடுதடி தென் குருத்து
பெண்ணாக மலர்ந்துவிட்ட
மரிக் கொழுந்தே நீயும் ஆடு
தாய் மாமன் சீரினிலே
தாவணிக்கும் தாலாட்டு
ஆடாமல் ஆடி விட்டு
பொன்னூஞ்சல் விட்டுறங்கு
தொம்மாங்கில் இல்லையடி
இந் நாளில் உன் வாழ்வு

ஆராரோ பாடலுக்குள் அன்று நீ உறங்கிவிட்டாய்
அம்மாவின் துயரினிலும் மூழ்காது விலகிவிட்டாய்
குங்குமத்தின் சங்கமத்தில் ஓரங்க ஞாயமடி
கூவாத குயிலாக கூண்டுக்குள்ளே நீயுமடி
பெண்ணாகப் பிறந்தவளே மண் பார்த்து நடவாமல்
தீயாக எழுந்து தீயோரை மாய்த்துவிடு

உன் அண்ணாவின் அணியிலே 
அக்காளும் பெண் புலிதான்
ஆசை நெஞ்சக் குருத்தை எல்லாம்
அக்கினியில் போட்டாளடி
மூக்குத்தி மோகத்திலும்
மூக்கில் இல்லை துவாரமடி
வேர் அறுக்கும் பகை முடித்தே
வேங்கையென வாழலையா...
பூவுக்குள் புயலான
பெண் புலியே அவள்தான்டி
ஆதி காலச் சடங்கை எல்லாம்
காலக் கடலில் வீசிவிடு
அந்தி இனி வருமோடி
எந் நாளும் உதயமடி
பொத்தி வைச்ச மல்லிகையே
தென்றல் தொட்டு நீயும் ஆடு
ஆகாய வீதியிலே ஆடுதடி தென்குருத்து

பாவலர் வல்வை சுயேன்

தேனீக்களே வந்தமர்கின்றன !!

இனியவளே உன் பெயரெழுதி பேனா தந்த முத்தத்தில் நீ வருவாயென காத்திருந்தேன் தேனீக்களே வந்தமர்கின்றன உன் பெயரில் பாவலர் வல்வை சுயேன் ...