திங்கள், 20 ஏப்ரல், 2015

எக்கரை இனி நான் ஏறுவேன் ...


இன்ப இழை படகு வீட்டில்
அந்த நிலா வராத போதும்
ஒளிமயம் கண்டேனடி
வல்லினம் மெல்லினமாய்
உற்ற இடையினம் எனும்
மூன்றுடன்  நீ வந்தவேளை!
 
சொல்லாட்சி தந்து நல்லாட்சி கொண்டவளே
வலம் சுற்றும் விழியிரண்டும்
மெல்லாசை கொண்டதென்ன
அன்புள்ள ஆணையில் அணை உடைத்து
துடுப்பில்லா ஓடம் ஆனேன்
எக்கரை இனி நான் ஏறுவேன் என்னவளே
எங்கே அழைத்துப் போகிறாய் என்னை நீ
கரை ஏறவேண்டும் கண்களை மூடிவிடாதே
உன் விழியே நான் காணும் கலங்கரை விளக்கு.....
Kavignar Valvai Suyen

வாசலிலே அழைப்பொலி !!!

முகில் திரையாலே முத்தம் இட்டாள் நீலச்சேலை கட்ட மறந்த மங்கை வெட்கம் அறியா ஏரிக்கரை கிளிகள் ஆடை கட்டின  ! வாசலிலே அழைப்பொலி கேட்ட...